3.15. Разнастайнасць і адзінства

 

 

Анатолій Балуценка

http://ab30br.narod.ru

 

 

1512  Прыродным шляхам утвараўся

Свет арганічны на Зямлі,

Як пераход ажыццяўляўся

Ў прывычны стан ад Прадзямлі.

 

1513  Заўжды хвалюе уяўленне

Структуры рэчываў усіх:

Неарганічныя злучэнні,

Складанасць у істот жывых.

 

1514  Прынесла шчодры плён стварэнне

Цудоўных рэчываў Зямлі,

І разнастайныя злучэнні

Ў той час атрыманы былі.

 

1515  Структуры атамы будуюць,

І тыя ж атамы адны

У розных рэчывах існуюць,

І тым адзіныя яны.

 

1516  Універсальнасць ўсіх законаў

Надзейна атам сам дае:

З пратонаў ён і электронаў,

Але ўласцівасці – свае.

 

1517  А разнастайнасць у структурах –

Вынік працэсаў на Зямлі,

Бо пры сваіх тэмпературах

Злучэнні ўтвораны былі.

 

1518  Якая веліч у прыроды!

Вытокі цудаў у яе,

Яна не чыніць перашкоды,

Жыццё цудоўнае дае.

 

1519  Жыццё – дзіцяці у прыроды,

І з ёй ў гармоніі заўжды,

Бо для істот не робіць шкоды,

Ім досыць ежы і вады.

 

1520  Ў адзінстве сталым, і няйначай,

Жыццё з прыродай на вякі,

Яно б не справілась з задачай,

Калі б кантакт не быў такі.

 

1521  Былі цудоўныя нагоды

Асобінам стварыць сябе,

Не паасобку ад прыроды,

Як разнавіднасць форм яе.

 

1522  Жыццё стваралася памалу

З адных з прыродай каранёў,

Бо з аднаго матэрыялу

Працэс стварэння іх ішоў.

 

1523  Матэрыі заўжды ўласціва

Дыскрэтнасць рэчываў усіх,

Таму арганіка набыла

Злучэнняў вельмі шмат сваіх.

 

1524  Жывой матэрыі даволі:

Жывёльны свет і свет раслін,

Раслін пяцьсот тысяч ці болей,

Жывёл больш, чым мільярд адзін.

 

1525  Меў крэмній слушную нагоду,

Ўтварылась сілікатаў шмат,

Так і злучэнняў вугляроду

Стварыўся неабсяжны рад.

 

1526  Могуць іх рэчывы ў імгненне

Структуры ланцугоў ствараць,

І разнастайныя злучэнні

Яны у змозе будаваць.

 

1527  Хоць разнастайных відаў многа,

Ў адменных формах від сваіх,

Ды клетка – сутнасць для жывога,

І сведчыць аб адзінстве ўсіх.

 

1528  Марфалагічныя адзнакі

Радам пакінулі сляды,

Працэс біяхімічны ўсякі

Ў клетках аднолькавы заўжды.

 

1529  Выснова можа быць ў праблеме:

Падобна відаў развіццё,

І па усеагальнай схеме

Стварылась на Зямлі жыццё.

 

1530  Жыцця адзінства – адна з ісцін,

Але падстаў не можа даць,

Што нейкі продак быў калісьці,

Каб безліч форм жыцця пачаць.

 

1531  Усе стварылісь незалежна

Толькі па відах і радах,

Жыццё паўстала непазбежна,

Такі арганікі быў шлях.

 

1532  Універсальнасць форм жывога

На кантынентах ўсіх Зямлі,

Бо ДНК стварылась многа,

Жыццё істоты набылі.

 

1533  Спаў ў акіян ці на платформы

Для ўсіх агульны ДНК,

Таму аднолькавыя формы

Для кожнага мацярыка.

 

1534  Адзінства ў арганічным свеце

Ўраз можа клетка даказаць,

Жыццё паўстала на планеце,

Каб шлях бясконцы прадаўжаць.

 

1535  Злучэнні ДНК мільёнам

Істот жыццё змаглі стварыць,

Таму адзінства эталонам

Яны па праву могуць быць.

 

1536  Свет арганічны ўзнік адразу,

А колькі відаў ёсць жывых!

Яны стварыліся ўсе разам,

І ДНК стварыла іх.

 

1537  Ды для стварэння трэба сілы,

Бясконцы рух ідзе вакол,

Спакой жывому не ўласцівы,

Яго няма, не будзе зноў.

 

1538  Неарганічная прырода

Бывае ў русе дзе-нідзе,

Ў жывой матэрыі заўсёды

Ва ўсіх сістэмах рух ідзе.

 

1539  Бо рух – жыццё, рух ёсць заўсёды,

Іначай і не можа быць,

Патрэбныя кругавароты,

Істотам каб на свеце жыць.

 

1540  Ў стварэнні шмат было работы,

Пара адказная прайшла,

Паўсталі розныя істоты,

Для кожнай ДНК была.

 

1541  Жыццё стварылася спантанна

І ўраз паўстала на Зямлі:

На сушы, ў рэках, акіянах

Ўсе свой прытулак набылі.

 

1542  Няпроста зразумець прыроду:

Бо лішні ген у ДНК

Даваў ўжо іншую істоту,

Будову розную бялка.

 

1543  Усе жывёлы і расліны,

Усё багацце відаў іх,

Свой шлях жыцця пачаць павінны,

А не ўтвараць сябе з другіх.

 

1544  Бязмежнасць відаў у прыроды,

Шмат мінералаў і парод,

Таму жыццё без перашкоды

Ўвайшло у кожную з істот.

 

1545  Істоты ўсе арыгінальны,

Не атрымаць формы другой,

Код генетычны ідэальны,

Павек істоце быць такой.

 

1546  Жыццё заўсёды многагранна,

Як і арганіка сама,

Што эвалюцыя падманна,

Сумнення малага няма.

 

1547  Жыццё упэўнена паўстала,

Заканамернае яно,

Жыццё – матэрыі праява,

Прыродаю такім дано.

 

1548  Жыццё заўжды ўяўляе норму:

І у вадзе, і на зямлі,

Матэрыяй у гэту форму

Атамы ўкладзены былі.

 

1549  Мадэль ўсё паясніць няздатна,

Бо трэба фактаў болей мець,

Каб разабрацца больш дакладна

І ўсю складанасць зразумець.

 

1550  Жыццё Зямлі! Што лепш ёсць ў свеце?

І самым важным можа быць

З таго, што зараз на планеце,

З таго, што удалось стварыць.

 

1551  Жыццё – цудоўнае стварэнне,

Перавышае з’явы ўсе,

Як Божай сілы праяўленне,

Як гімн прыродзе і красе!

 

Змест     Далей

 

 

 

Hosted by uCoz